කාලයක් යන විට Android දුරකථන Slow වෙන්නේ ඇයි ? ඒවා නැවත වේගවත් කරගන්නේ කෙසේද?

කාලයක් ගිය විට Android දුරකථන සහ Tablet මන්දගාමී වීමට බලපාන හේතුන් මොනවාද කියා සාකච්චා කිරීමට අපි මෙහිදී බලාපොරොත්තු වෙනවා. එම හේතුන් පිලිබදව දැනගැනීමෙන් ඔබට හැකියාව තිබෙනවා නැවත ඔබේ දුරකථනය වේගවත් කරගැනීමට. 

Operating System Updates and Heavier  Apps

ඔබේ Android දුරකථනය සදහා අවුරුද්දකට කිහිප සැරයක්ම (android operating system Updates) ලැබෙනවා . මතක තබා ගන්න එලෙස ඔබේ දුරකතයට ලැබෙන Updates විශේෂයෙන්ම ඔබේ දුරකතනයට ගැලපෙන ලෙසම නිර්මාණය කර නොමැති බව. එම හේතුව නිසා ඔබේ දුරකථනය මන්දගාමී වෙන්න පුළුවන්. මොකද එම update වල තිබෙනවා (bloatware apps), ඒවා දුරකතනයේ background එකේ සැමවිටම ක්‍රියාත්මක වෙන නිසා දුරකථනය ස්වභාවයෙන්ම මන්දගාමී වෙනවා. 

ඒවගේම තමයි ඔබේ දුරකතනයේ තිබෙන Apps ඒවා සදහාද නිතරම වගේ අලුත් update ලැබෙනවා. එලෙස දීර්ඝ කාලයක් විටින් විට updates ලැබීම නිසා එම app එකේ බර ටිකෙන් ටික වැඩි වෙනවා. මොකද එම apps නිර්මාණය කරන අය අලුතෙන් updates ලබා දෙන්නේ අලුත් දුරකථන සදහා සාර්ථකව ක්‍රියා කරන ආකාරයටයි. ඉතාමත් වේගවත් අලුත් දුරකථන වල තිබෙන දෘඩාංග කොටස් සමග හොදින් ගනුදෙනු කිරීමට එම apps වලට හැකියා තිබුනත් අවසානාවකට පැරණි දුරකථන මන්දගාමී කිරීමට එය  සමත් වෙනවා. හොදම උදාහරණය තමයි විටින් විට වෙබ් අඩවි යාවත්කාලීන කිරීම මගින්ද එම වෙබ් අඩවියේ බර වැඩි වෙනව. මෙහිදී පරිගණක ක්‍ර්රීදාවන් ගැනද කතා කල යුතු වෙනවා. එකම පරිගණක ක්‍රීඩාවේ අලුත් සංස්කරණයන් පැරණි පරිගණක වල ක්‍රීඩා කිරීමේදී අධික ලෙස මන්දගාමී වෙන බව ඔබ දන්නවනේ. මෙම සිද්ධාන්තයම පරිගණක මෘදුකාංග සදහාද ඇතුලත් වෙනවා. 

මෙම ප්‍රශ්නය විසදා ගන්නේ කෙසේද?

මෙහිදී ඔබට ගොඩක් දේවල් කරන්න නැහැ. ඔබට දැනෙනවානම් android මෙහෙයුම් පද්දතිය වඩාත් මන්දගාමී බව ඔබට පුළුවන් (Cyanagenmode) වගේ කස්ටම් රොම් එකක් ස්ථාපිත කරගන්නට. මොකද එවැනි මෙහෙයුම් පද්දති වල දුරකථන නිෂ්පාදකයින් විසින් ඇතුලත් කරන ලද bloatware ඇතුලත් වෙන්නේ නැහැ. ඒවගේම apps මන්දගාමී වී තිබෙන බවක් ඔබට පෙනෙනවානම් ඔබේ දුරකතනයේ RAM මතකයට සරිලන සැහැල්ලු apps භාවිතා කරන්න. 

Background Process 

කාලයක් යන විට ඔබ apps ගණනාවක්ම දුරකතනයේ ස්ථාපිත කිරීමට පෙළඹෙනවා. ඒ අතරින් සමහරක්  apps දුරකථනය on වෙන විටම ක්‍රියාත්මක වෙමින් background එකේ run වෙමින් CPU එක සහ RAM මතකය වැඩි වශයෙන්  භාවිත කරනවා. එම නිසාම දුරකතනය මන්දගාමී වෙනවා. එවැනි apps රාශියක් ඔබ දුරකතනය සදහා ස්ථාපිත කර තිබෙනවානම් ඒවා run වෙන විට ඔබට වෙනත් වැඩක් සිදු කිරීමට හැකි වෙන්නේ නැහැ. 

ඒවගේම තමයි වැඩි දෙනෙක් දුරකථන තිරය සරසා  ගැනීම සදහා Animated live Wallpaper සහ widgets වැඩි වශයෙන් භාවිතා කරනවා. ඔබේ දුරකතනය මන්දගාමී වීමට බලපාන ප්‍රධාන හේතුවක් වෙන්නේ එය බව මතක තබා ගන්න. 

දුරකතනයේ background එකේ run වෙන apps පිලිබදව සොයා බැලීමට settings  වලට ගොස් apps screen එක වෙතට පිවිසෙන්න. ඔබ භාවිතා නොකරන app එකෙක් background එකේ run වෙනවා කියා ඔබට පෙනෙනවානම් වහාම එය uninstall කරන්න. 

මෙම ප්‍රශ්නය විසදා ගන්නේ කෙසේද?

Live wallpapers අක්‍රීය කර දමන්න, අවශ්‍ය කරන widgets පමණකක් home screen එකහි තබා ගන්න අනෙකුත් ඒවා ඉවත් කරන්න. ඔබ භාවිත නොකරන බරින් වැඩි apps තිබෙනවානම් ඒවා අක්‍රීය කර හෝ uninstall කර දමන්න. 

Cache Files 

ඔබ දුරකථනය ස්ථාපිත කර තිබෙන apps මගින් cache file සාදනවා. ඒවා වලටද ඔබේ දුරකතනයෙන් යම් ඉඩක් වැය වෙනවා. එලෙස සියලුම apps වලින් සාදන cache file එකවර මකාදැමීම සදහා (Clean Master) වගේ app එකක් භාවිතා කරන්න පුළුවන්. එලෙස cache file මකා දැමීමෙන් file system එක වේගවත් කරගන්න පුළුවන් වෙනවා. 

වඩාත්ම හොඳ දෙය නම් දුරකථනය factory reset කොට ඔබ වැඩිපුරම භාවිතා කරන apps පමණක් ස්ථාපිත කිරීමයි 

හොඳයි එහෙනම් ඔබට අවභෝධ වෙන්න ඇති ඔබේ android දුරකථනය කාලයත් සමග slow වෙන්නේ මොකද කියා. ඒවගේම එම හේතු මගහරිමින් නැවත දුරකථනය වේගවත් කරගන්නේ කෙසේද කියාත් ඔබ මෙහිදී දැනගන්න ඇති. 

Learn more »

අලුත උපන් ළදරුවෙකුට WiFi හානිකරද?

WiFi වලින් නිකුත් වෙන කිරණයන් වල අයහපත් බලපෑමක් තිබෙනවද යන කාරණය පිලිබදව විශාල කතිකාවතක් ලොව පුරා නිර්මාණය වී තිබෙනවා. ඇතැමෙක් විශ්වාස කරනවා අලුත උපන් ළදරුවන්ට මෙම WiFi වලින් නිකුත් වෙන කිරණයන් මගින් තරමක් හානිකර තත්වයක් තිබෙනවා කියා. ඇත්තටම එවැනි අවධානමක් තිබෙනවාද? මෙම ලිපියෙන් අපි ඔබ දැනුවත් කරන්නේ  ඒ පිළිබඳවයි? 

සාමාන්‍යයෙන් (විකිරණ) යැයි කියූ සැනින් වැඩි දෙනෙක් කලබලයට පත් වෙනවා. මෙතනදී අපි අවධානය යොමු කල යුතු වෙනවා "සංඛ්‍යාතය" සහ "තීව්රතාව්‍ය" යන සාධක දෙක කෙරෙහි. WiFi සහ ගුවන් විදුලි සන්නිවේදන සඳහා භාවිතා කරන්නේ ඉතාමත් අඩු සංඛ්‍යාතයක්. 

විකිරණ වලට ඇත්තටම හැකියාවක් තිබෙනවා පිළිකාවන් ඇති කිරීමට. විශේෂයෙන්ම අයනිකාර විකිරණ වලට. ඉතාමත් ඉහල සංඛ්‍යාතයක් තිබෙන එවැනි විකිරණ වලට හැකියාව තිබෙනවා DNA විකුර්ති කරමින් පිළිකාමය තත්වයක් ඇති කිරීමට. සාමාන්‍යයෙන් මෙවැනි අහිතකර විකිරණ වල සංඛ්‍යාතය 1,000,000 GHz හෝ ඊට වැඩියෙන් තිබෙනවා. නමුත් WiFi මගින් සම්ප්‍රේෂණය කරන්නේ  2,4 GHz සහ 5GHz අතර ඉතාමත් අඩු සංඛ්‍යාතයක්. අහිතකර අයනිකාර විකිරණ වල සංඛ්‍යාතය WiFi වල සංඛ්‍යාතයට වඩා 500,000 වාරයක් වැඩි බව ඔබට දැන් අවභෝධ වෙන්න ඇති. 

අපි ඒ කතා කරේ සංඛ්‍යාතය පිළිබඳවයි දැන් කතා කල යුතු වෙනවා තීව්‍රතාවය පිලිබදව. "Non Ionizing" අයනිකාර නොවෙන විකිරණත් හානිකර වෙනවා. එසේ වීමට නම් එම විකිරණ වල තීව්‍රතාවයේ ඉහල අගයක් තිබිය යුතු වෙනවා. ඒවගේම තමයි අයනිකාර විකිරණද හැම විටකම හානිකර වෙන්නේ නැහැ. මොකද අඩු තීව්‍රතාවයක් සමග සටන් කිරීමට අවැසි බලය අප ශරීරයට තිබෙනවා. අන්න එම හේතුව නිසා තමයි අපි සුර්ය ආලෝකයට නිරාවරණය වීමේදී මිය යන්නේ නැත්තේ. WiFi විකිරණ වල තිබෙන අඩු තීව්‍රතාවය සමග සටන කිරීමට තරම් බලයක් ළදරුවන්ට මෙන්ම මනුෂ්‍ය ශරීර වලට තිබෙනවා. නමුත් සමහරක් පැලැටි වලට එම බලය නැහැ එම නිසා wifi අසල තිබෙන පැලැටි වලට අහිතකර බලපෑමක් ඇති කිරීමට wifi විකිරණ වලට හැකි වෙනවා. එය පරීක්ෂණ මගින්ද සනාත වී තිබෙනවා. 

හොඳයි මේ සියල්ල සලකා බලා කියන්න පුළුවන්. WiFi වලින් නිකුත් වෙන විකිරණ මනුෂ්‍ය ශරීරයට අහිතකර නොවෙන බව. 

Learn more »

පරිගනකය රහසිගතව සම්බන්ධ වී සිටින Web Sites මොනවාද යන්න සොයා බලමු. 

ඔබේ අන්තර්ජාල සම්බන්ධතාවය අසාමාන්‍ය ලෙස මන්දගාමී වෙලාද? එලෙස අසාමාන්‍ය ලෙස අන්තර්ජාල සම්බන්ධ තාවය මන්දගාමී වීමට බලපාන ප්‍රධානම හේතුව  වෙන්නේ පරිගනකයට පැමිණි malware, spayware සහ adware වැනි වෛරසයන් වල ක්‍රියා කාරීත්වයයි. ඔබ නොදැන සිටියත් එම වෛරසයන් මගින් රහසිගතව යම් යම් වෙබ් අඩවි වලට සම්බන්ධ වීමට උත්සහ කරනවා. එම හේතුව නිසා අසාමාන්‍ය ලෙස අන්තර්ජාලය මන්දගාමී වෙනවා. මෙම ලිපියෙන් ඔබව දැනුවත් කරන්නේ ඔබේ පරිගනකය එලෙස රහසිගතව සම්බන්ධ වී සිටින්නේ කුමන වෙබ් අඩවි වලටද යන්න සොයා බැලීම පිළිබඳවයි. 

ඔබේ පරිගනකය රහසිගතව සම්බන්ධ වී සිටින්නේ කුමකටද යන්න පරික්ෂා කර බලන ආකාරය. 

netstat විධානය භාවිතා කරමින් අපිට පහසුවෙන්ම මෙය කරගන්න පුළුවන්. මෙම ක්‍රමය windows 7, vista, සහ xp මෙහෙයුම් පද්දති වල සාර්ථකව ක්‍රියාත්මකව වෙනවා. 

මෙමගින් අපිට හැකියාව තිබෙනවා යම් කිසි විශේෂිත කාලයක් තුල පරිගනකය සම්බන්ධ වී සිටින්නේ කුමන වෙබ් අඩවි වලටද සහ අන්තර්ජාලය භාවිතා කරන්නේ කුමන මෘදුකාංගද යන්න ඇතුළු ලැයිස්තුවක් සකස් කරගැනීමට. මෙම විධානය භාවිතා කිරීම සඳහා ඔබ command prompt එක administrator අවසරය ඇතුව run කල යුතු වෙනවා. start menu එක විවුර්ත කොට search box හී "cmd.exe" යනුවෙන් type කර search result එක පැමිණිය පසුව ඒ මත right-click කර "run as administrator" යන්න තෝරන්න. 

command prompt වින්ඩෝ එක පැමිණිය පසුව පහත තිබෙන විධානය ඒ ආකාරයෙන්ම type කර enter ඔබන්න. 

netstat -abf 5 > activity.txt

දැන් එම විධානය ඇතුලත් කර enter කල පසුව විනාඩි දෙකක පමණ කාලයක් සිටින්න මොකද එම කාලය තුල පරිගනකය අන්තර්ජාලය හා සම්බන්ධ වී තිබෙන සියලුම සම්බන්ධ තාවයන් පටිගත කරනවා. විනාඩි දෙකක පමණ කාලයක් ගත වී ගිය පසුව Ctrl+C එක වර එබීමෙන් පටිගත වීම නවත්වන්න. 

දැන් ඔබ සියලු දත්තයන් පටිගත කරගෙන ඉවරයි. එම ප්‍රතිපලය දැකගැනීම සඳහා command prompt එකේම activity.txt යනුවෙන් type කර enter ඔබන්න. දැන් විවුර්ත වූ text file එකේ සියලුම විස්තරයන් අන්තර්ගත වී තිබෙනවා ඔබට පෙනෙනවා ඇති. 

විනාඩි 2ක කාලය තුල අන්තර්ජාලය හා සම්බන්ධ තාවය පැවැත්වූ වෙබ් බ්‍රව්සරයද ඇතුලත්ව සියලුම මෘදුකාංග වල ලැයිස්තුවක් ඔබට එහි දැකගන්න පුළුවන්. ඒ අතර ඔබට හුරු පුරුදු නොමැති වෙබ් අඩවියක ලිපිනයක් තිබෙනවානම් google හී පරික්ෂා කර බලන්න. එම වෙබ් අඩවිය අහිතකර එකක් යැයි ඔබ සිතනවානම් එයින් වැළකීම සඳහා විසඳුම google හී පරික්ෂා කර බැලීමෙන්ම සොයා ගන්න පුළුවන්. 

ඉහත සඳහන් කල පරිදි malware, spyware සහ adware වගේ වෛරසද අන්තර්ජාලය භාවිතා කරනවා වෙන්න පුළුවන්. එවැනි සැකකටයුතු ක්‍රියාකාරීත්වයක් ඔබ දුටුවොත් දැනගන්න එය වෛරස බලපෑමක් බව. ඒ සඳහා විසඳුමක් වශයෙන් හොඳ ප්‍රතිවෛරස මෘදුකාංගය ස්තාපිත කරගන්නට පුළුවන්. නැතිනම් පරිගනකය සම්පූර්ණයෙන් ෆොර්මැට් කර අලුතෙන්  මෙහෙයුම් පද්දතිය පිහිටුවා ඒ සමගම ප්‍රතිවෛරස මෘදුකාංගයක්ද අලුතෙන් ස්ථාපිත කරගන්න. 

CurrPorts භාවිතයෙන් පහසුවෙන්ම මෙය කරගැනීම. 

ඉහත ක්‍රමය නම් තරමක්  සංකීර්ණ manual ක්‍රමයක්. නමුත් CuurPorts කියන මෘදුකාගයෙන් පහසුවෙන්ම මෙය කරගන්න පුළුවන්. එය නොමිලේම ලබා ගන්න පුළුවන් portable මෘදුකාංගයක්. එම නිසා install කිරීමට අවශ්‍ය වෙන්නේ නැහැ. මේ පිළිබඳව වැඩි වශයෙන් විස්තර කරන්න අවශ්‍ය වෙන්නේ නැහැ මොකද මේ මගින් මෙය කරගැනීම ඉතාමත්ම පහසුයි. එම මෘදුකාංගය පහතින් බාගන්න. 

CurrPorts Download

මේම ක්‍රමයන් මගින් ඔබට දැනගන්න පුළුවන් අන්තර්ජාල වේගය මන්දගාමී වෙමට බලපා තිබෙන හේතුව. ඒවගේම අන්තර්ජාලය භාවිතා කරන වෛරසයන් පරිගනකයට පැමිණ තිබෙනවාද යන්නත් සොයා බලන්න පුළුවන්.  මේ පිළිබඳව ඔබට ඇති වෙන ගැටළු comment කරන්න අපි සුදානම් පළිතුරු දෙන්න. 

comment එකක් දාගෙන යන්නත් අමතකර කරන්න එපා  

Learn more »

මයික්‍රොසොෆ්ට් Office වැනි මෘදුකාගයන් භාවිතා නොකර නොමිලේම CV එකක් සාදා ගන්නා ආකාරය. 

ඔබට තව දුරටත් මයික්‍රොසොෆ්ට් Office වගේ මෘදුකාංගයන් අවශ්‍ය වෙන්නේ නැහැ ඉහල ගුණාත්මක තාවයෙන් යුතු වුර්තීය මට්ටමේ CV එකක් නිර්මාණය කරගැනීමට. ඔබ දන්නවනේ එවැනි මෘදුකාංග භාවිතා කරමින් CV එකක් සාදා ගැනීමට නම් තරමක ඉහල දැනුමක් තිබිය යුතු බව.  නමුත් අපි ඔබට මෙහිදී හඳුන්වා දෙන ක්‍රමයට ඕනෑම කෙනෙකුට වුර්තීය මට්ටමේ CV එකක් විනාඩි කිහිපයක් තුල පහසුවෙන්ම නිර්මාණය කරගන්න පුළුවන්. 

අපි මෙහිදී භාවිත කරන්නේ Google සමාගමේ සුවිශේෂී සේවාවක්. තව දුරටත් ඔබට අවශ්‍ය වෙන්නේ නැහැ ඔබගේ කුසලතාවයන් උද්දීපනය වී පෙනෙන ලෙස විශාල කාලයක් වැය කොට CV එකේ format එක සැකසීමට. ඒ සඳහා පහසුම ක්‍රමය තමයි Google Docs.

ඔබ කැමති Template එකක් තෝරා ගන්න. 

Google Docs කියන්නේ Microsoft Office සඳහා හොද තරගයක් ලබා දෙන්න පුළුවන් සේවාවක්. google සමාගමේ අනෙකුත් සේවාවන් වගේම මෙම සේවාවද අන්තර්ජාලය හරහා නොමිලේම ලබා දෙන්නක්. එය භාවිතා කිරීම සදහා ඔබට අවශ්‍ය වෙන්නේ වෙබ් බ්‍රව්සර් එක සහ gmail ගිණුමක් පමණයි. 

වැඩි දෙනෙක් CV නිර්මාණය කිරීම සඳහා මෙම සේවාව තෝරාගන්නේ ඒ විසින්ම CV එකට අවශ්‍ය කරන Template එක සපයන නිසා. කාලය ඉතුරු කරගෙන ඉතා සුළු කාලයකින් ඔබට පුළුවන් CV එකක් සාදා ගන්නට ඒ මගින්. 

Google Docs හී තිබෙන Template gallery එකෙන් ඔබ කැමති template එකක් CV එක සඳහා පහසුවෙන්ම තෝරා ගන්න ඔබට පුළුවන්. මෙම සේවාව ලබා ගැනීමට නම් ඔබට gmail ගිණුමක් තිබීම අනිවාර්ය වෙනවා. හොඳයි එහෙනම් මෙම පහත තිබෙන ලින්ක් එක ක්ලික් කර Google Docs හී Template gallery එක වෙත පිවිසෙන්න. 

Google Docs Template gallery

එම වෙබ් අඩවිය වෙත පිවිස එහි search bar එකේ search කරන්න resume යනුවෙන් එහිදී ඔබට CV Templates රාශියක් දැක ගන්නට පුළුවන්. 

එම Template අතරින් ඔබ සිත් ගත් එකක් තිබේනම් එහි දර්ශනය දැක ගැනීමට (Preview) යන බටන් එක ක්ලික් කරන්න. ඉන් පසුව එක Template එකක් තෝරා ගෙන එය ඉදිරියෙන් තිබෙන  (Use This Template) යන්න තෝරන්න. 

ඔබේ තොරතුරු CV එක වෙත ඇතුලත් කරන්න. 

දැන් ඔබට අවස්තාව තිබෙනවා මෙහි තිබෙන තොරතුරු වෙනුවට ඔබගේ තොරතුරු ඇතුලත් කිරීමට. ඔබේ පෞද්ගලික තොරතුරු , අධ්‍යාපන තොරතුරු ඇතුලත්ව බොහොමයක් දේවල් ඒ වෙත ඇතුලත් කරන්න හැකියාව තිබෙනවා. ඔබ තොරතුරු ඇතුලත් කරන විට ස්වයන්ක්‍රීයවම එම තොරතුරු Save වීමක්ද වෙනවා. සියලුම තොරතුරු පුරවා අවසන් කර පසුව එම Document එක  ඔබේ Google Drive එක තුලින් ඔබට සොයා ගන්න පුළුවන්. ඒ වෙත පිවිසීමට පහත තිබෙන ලින්ක් එක කිලික් කරන්න. 

Google Drive  

සදා නිම කරගත් CV එක බාගැනීම සහ ප්‍රින්ට් කරගැනීම

දැන් ඔබට අවශ්‍ය වෙනවා google docs වෙතින් එම CV එක ලබා ගැනීමට. මෙහිදී එය ප්‍රින්ට් කරගැනීමට අවශ්‍ය නම් file menu එකේ තිබෙන print විධානය මගින් එය ප්‍රින්ට් කරගන්නට පුලුවන්. 

file එකක් විදියට එම CV එක email කිරීමට සහ upload කිරීමට අවශ්‍ය නම් ඔබට පුළුවන් එය PDF එකක් විදියට බාගන්නට. ඒ සඳහා file menu එක වෙත ගොස් download as කියන තැන ක්ලික් කර අවශ්‍ය file ෆොර්මැට් එකකට download කරගන්න.

හොඳයි ඔන්න එහෙනම් Apps Lanka වෙතින් ඔබව දැනුවත් කරනු ලැබුවා වඩාත් පැහැදිලි ලෙස  පියවරෙන් පියවර CV එකක් පහසුවෙන්ම සාදා ගන්නා ආකාරය පිළිබඳව. මෙය ඔබට ප්‍රයෝජනවත් නම් comment එකක් දාල යන්නත් අමතක කරන්න එපා. 

Learn more »

වතුර බෝතලයක දමා අලෙවි කරන Sony සමගමේ අලුත්ම Walkman එක. 

තම පාරිභෝගිකයාට  පහසුකම් දහසක් සපයන බව කියමින් වෙළඳ පොලට පැමිණෙන Gadgets අතරින් බොහොමයක් එම පොරොන්දු නිසි ලෙස ඉටු කරන්නේ නැහැ. කොහොම නමුත් Sony සමගම තම සමාගමේ අලුත්ම  Walkman යන්ත්‍රය වතුර සඳහා කොතරම් ප්‍රතිරෝධකයක් දක්වනවාද යන්න සැමටම දැක ගත හැකි වෙන ලෙස වතුර බෝතලයක අසුරා එය ප්‍රදර්ශනය කිරීමට තීරණය කර තිබෙනවා. 

මෙම Walkman යන්ත්‍රය සඳහා විශේෂ යමක් අලුතෙන් ඇතුලත් කර තිබෙන බවක් නම් පෙනෙන්නට  නැහැ. නමුත් SONY සමගම තම පාරිභෝගිකයින්ට පොරොන්දු වෙනවා කිසිලෙසකින් වත් මෙම උපකරනය සඳහා ජලය කාන්දු නොවෙන බවට.  මෙම Walkman යන්ත්‍රය ප්‍රචාරණය කිරීම සඳහා සකසා තිබුණු වෙළඳ දැන්වීමේද තිබුනේ මෙම  Walkman යන්ත්‍රය පැළඳ පිහිනන වීඩියෝ දර්ශනයක්. නවසීලන්තයේ පිහිනුම් තටාක වල සහ කායවර්ධන මධ්‍යස්තානයන් වල තිබෙන සිසිල් බීම යන්ත්‍රයන් (Vending Machine) වල මෙම Walkman යන්ත්‍රය ප්‍රදර්ශනය කිරීමෙන් නවතම ක්‍රමවේදයකට ප්‍රචාරය කිරීමේ ක්රියාවලියකටද SONY සමාගම උත්සහ කර තිබෙනවා. 

අවුරුදු ගනනාවක සිට Sony සමාගම Waterproof (ජලය කාන්දු නොවෙන ) උපකරණ නිපදවීමේ කාර්යයේ නිරත වෙමින් සිටි බව ඔබ දන්නවා ඇති. ලෝකයක් පුදුමයට පත් කරමින් ජලය කාන්දු නොවෙන smart දුරකතනද ප්‍රථම වරට නිෂ්පාදනය කරනු ලැබුවේ එම සමාගම විසිනි. ඉදිරියේදී පාරිභෝගික ආකර්ෂණය දිනා ගැනීම සඳහා SONY සමාගම එම උපකරණද ජලය පිරුණු බඳුන් වලම දමා අලෙවි කිරීමට ක්‍රියා කරනු ඇතැයි විශ්වාස කරන්න පුළුවන්. 

මෙම Walkman යන්ත්‍රයක් ඔබට මිලදී ගැනීමට හැකියාව තිබෙනවා Amazon වෙබ් අඩවිය වෙතින්. එම වෙබ් අඩවියට පිවිසීමට පහත ලින්ක් එක ක්ලික් කරන්න. 

Buy Sony Walkman

Learn more »

වින්ඩෝස් දුරකථන වලටත් Android ඇප්ස් පැමිණෙන ලකුණු.

මයික්‍රොසොෆ්ට් සමාගමේ පරිගණක මෙහෙයුම් පද්ධතිය සියලු මෙහෙයුම් පද්දති අබිභවා ඉදිරියෙන්ම සිටින බව ඔබ දන්නවා ඇති. නමුත් මයික්‍රොසොෆ්ට් සමාගමේ mobile මෙහෙයුම් පද්දතියට තවමත් හැකියාවක් ලැබී නැහැ දුරකථන මෙහෙයුම් පද්දති ලොවේ ප්‍රභලයා වෙන Android පරාජය කිරීමට තරම්. 

වින්ඩෝස් මෙහෙයුම් පද්දතියට  android apps ස්ථාපිත කිරීමට අවස්තාව ලබාදුන හොත්  තම පාරිභෝගිකයින්ගෙන් වඩාත් ඉහල ප්‍රතිචාරයක් ලැබෙනු ඇතැයි මයික්‍රොසොෆ්ට් සමාගම විශ්වාස කරනවා.

මේ වන විට මයික්‍රොසොෆ්ට් සමගම තමන්ගේ desktop සහ mobile මෙහෙයුම් පද්දති දෙකම android මෙහෙයුම් පද්දතියේ apps සඳහා විවුර්ත කරලීම  පිළිබඳව මහත් සැලකිල්ලක් දක්වමින් සාකච්චා කරන බව "The Verge" වෙබ් අඩවිය වාර්තා කර සිටිනවා. එම සැලැස්මට අනුව වින්ඩෝස් පාරිභෝගිකයින්ට හැකියාව තිබෙනවා windows Store එකට පිටින් third-party Android apps ඩවුන්ලෝඩ් කරගෙන ස්ථාපිත කර ගැනීමට. 

මෙම සාකච්චාවන්  තවමත් මුලික අදියරේ පවතින අතර මෙය සාර්ථක කරගැනීමට නම් තවත් බොහෝ පිරිසක් මෙයට එකඟ වියයුතු වෙන බව එම වෙබ් අඩවිය තවදුරටත් ප්‍රකාශ කර සිටිනවා. ඒවගේම මයික්‍රොසොෆ්ට් සමාගමේ විධායක නිලධාරීන්ගෙන් බහුතරයක් විශ්වාස කර සිටිනවා android apps සඳහා වින්ඩෝස් මෙහෙයුම් පද්දතියේ දොරගුළු විවුර්ත කළ හොත් සෑහෙන පාරිභෝගිකයින් පිරිසක් වින්ඩෝස් වෙතට ඇද ගැනීමට හැකි බව. 

වින්ඩෝස් පරිගනක මෙහෙයුම් පද්දතිය සඳහා Blustack මෘදුකාංගය හරහා Android Apps ස්ථාපිත කිරීමට හැකියාව තිබෙන බව ඔබ දන්නවා ඇති. නමුත් වින්ඩෝස් දුරකථන මෙහෙයුම් පද්දතිය සඳහා නම් මේ වන තෙක් එවැනි ක්‍රමවේදයක් ඇත්තේ නැහැ. කොහොම නමුත් නිල වශයෙන්ම වඩාත් පහසුවෙන් android apps windows මතට ස්ථාපිත කරන්න ලැබුනොත් ඒ සඳහා වැඩි ප්‍රතිචාරයක් අනිවාර්යයෙන්ම ලබෙනවා නොඅනුමානයි. 

මෙම සැලැස්ම මගින් මයික්‍රොසොෆ්ට් සමාගම ප්‍රධාන වශයෙන් ඉලක්ක කරන්නේ දුරකථන මෙහෙයුම් පද්දති පරිශීලකයින් වැඩි වශයෙන් windows මෙහෙයුම් පද්දතිය වටා එක් රැස් කරගැනීමයි. 

මයික්‍රොසොෆ්ට් විසින් NOKIA සමාගම මිලදී ගැනීමට ප්‍රථමව  NOKIA සමාගමද  උත්සහ කරේ android මෙහෙයුම් පද්දතියේ පිහිටෙන් තම දුරකථන වෙළඳ පොළ ස්ථාවර කරගැනීමට බව ඔබ දන්නවා ඇති. 

මේ පිළිබඳව වැඩි විස්තර දැනගන්න පහත ලින්ක් එක ක්ලික් කරන්න.

Android Apps on Windows

කොහොම නමුත් ලැබෙන ආරංචිමාර්ග මගින් බලාපොරොත්තු තබා ගැනීමට හැකියාව තිබෙනවා මයික්‍රොසොෆ්ට් සමාගම කෙසේ හෝ මෙම කාර්ය සාර්ථක කරගනියි කියා. මේ පිළිබඳව ඔබ දක්වන පෞද්ගලික මතය පහතින් දැක්වීමට හැකියාව තිබෙනවා. 

Learn more »